رحلت حاج || اروع لحظات حياتي

21 بصمات
*تنويه:الكلام الموجود فصيح ممزوج بالعامي ,, ارجوا عدم التدقيق ^_^



السلام عليكم ورحمه الله وبركاته

بدايه كلامي  قسم << الاخ بالتجنيد هع 
احلف بالله انكم وحشتوني كل زائر وكل من في قلبي

صج تاخرت ,, بس الحداث اول باول كتبتها لكم
وحتما كما قالوا تجربه لن ولن انسها يوما
وشعور لا يوصف بمعنى الكلمه ,, لا اريد الاطاله في المقدمه
لان المحتوى طويل في هذرتي ويحتوي ع صور وفيديو *_^

ويجب ان اطمأن عليكم
كيف حالك / حالج
ان شاء الله بخير ^_^



نقطه البدايه ,, قبل ارسال التدوين الاخيره سطرين مهمين من قلب
بعدها بكم دقيقه ركبت السياره وتجهنا اقصد سافرنا الى المطار.,.!
لانه من البيت الى المطار سفر ,, بعيد عن المدينه الدمام والمدن المجاوره
ههههههههههه ,, والله يضحكوني كان في نص البلد صار في قلعت وادرين >_<
وصلنا والحمد الله وطبعا بما ان نحن في حج فا كل شي غير عن العاده 
ذهبنا الى القادمون وليس المغادرون وخذنا تذاكرنا من الحمله وبطايق وحركات
وتكشخنا بالحرام ،، وقطعنا البوردنق << تفصيل ممل
الحدث المهم في مطار الملك فهد (رحمه الله)

يوم كنا في النتضار الطائره ,, كان وقت صلاه الفجر بالضبط
فا بعض الناس قالوا بنصلي ونركب وناس قالوا نركب قبل الاقلاع
احنا من المنتظرين لي ادراك الصلاه ,, ونحن في المصلى شفنا الطيار لي بطيارتنا
وقالوله الناس بنصلي ونركب قال طيب وصلى ويانا وركبنا ,, طبعا تاخرنا كم دقيقه لا اكثر
وشي خطير في الدول الاخرى ولكن عندنا عااادي ,, وفوق هذا حج يعني ترى مالم تراه في حياتك
ركبت الطياره درجه اولى ومقعدي في النص وقدامي فراغ على شكل مثلث لانه في مقدمه الطائره
 الي صار الي ما صلوا قالوا بنصلي في وين في الفراغ الي قدامي
 وهم ما شاء الله كبروا ,, انا توهقت والسبب اني في اتجاه القبله
وسحبت نفسي وصرت واقف لين خلصوا ,,  سالفتي زي وجهي ادري ,, بس حبيت اقولها

وصلنا مطار جده الدولي ,, وركبنا الباصات بحمد الله
ذهبنا على طول الى الحرم وادينا العمره بكل يسر
والحدث المهم الذي احاتيه (افكره به) من قبل سفري
اني سوف احلق شعري (قرعه) ,, شعور مدري كيف
بس قلت لازم اكمل حجتي الاولى ,, شعري كان طويل
مراح اوصفه بس شي يقهر << بسك يا بابا تطول بالسالفه
حلقت وانا مغمض ,, لا تضحكون عشان ما اشوف قبل وبعد
شفتها بعد ساعتين  ,, صج اني خبل


وصلنا الى منى ,, ولي اول مره ارى الخيام بالعين المجرده ,, كل سنه اراها بالتلفزيون
شعور لا يوصف من اول مكان في الحج وكان ينتظرنا بوفيه غداء بس المغرب
وبعدها بساعتين تقريبا بوفيه غير الاول عشاء
جزاهم الله خير ,, واحنى مافي الى اكل (زط) ههههههه 
هنا شفت قرعتي بعد السبوح شكلي مو عاجبني لاني مش متعود ابدا 

اشبه هذا الشخصيه في الفلم ,, لالا مو اشبهه بس يوم شفت نفسي ذكرته 


المهم ارتحنا في منى من اليوم السابع من ذو الحجه
الى اليوم الثامن


في فجر اليوم التاسع
ركبنا اباصات وتجهنا الى مخيمنا فيها ,, وكان خيالي الصراحه كانه صاله عرس
خيام كبيره وكشخه ,, بس باين مكروفه سنين
طبعا الوقوف في عرفه يبداء من صلاه الضهر الى المغرب
احنا في الفجر ,, ارتحنا ونمنا الى صلاه الضهر
وجمعناها مع العصر كما فعل الرسول صلى الله عليه وسلم
وبتدينا بدعاء والتقرب الى الله بالعمال في اليوم العضيم
خذيت صور في نفس الخيمه ,, شعور اماني وروحاني لا يوصف بكلمات


،،

الصوره شوي يمكن يستغرب منها البعض ,, للعلم ان في الحمله مجموعه من الماليزيين



نفرنا الى مزدله كما نعلم وهي للمبيت والراحه بعد العناء في عرفه
هنا لم يحدث شيء ,, ولاكني الوحيد الي كنت صاحي والبقيه نيام
وصرتهم من التفرغ ههههههههه


شكلي كاني فزاعه بينهم ,, كلهم نايمين وانا قاعد  ههههههه



رجعنى الى منى وقت الفجر ,, صلينا ورحنا رجمنا الشيطان << كنت مستانس
الي هي رمي جمره العقبه فقط في اول يوم عيد

هنا المفروض ابارك لكم بالعيد ,, ولاكني كنت سعيد فيكم بردودك ع التدويه الي قبلها
ربي يحفظكم ويسعدكم في الدنيا والاخره ,, جزاكم الله خير
وعساكم من العايدين والفايزين ,, وينعاد عليكم كل عام يارب
تهنئه متاخره حيل 


والحمد الله ترى عند وعدي ما نستكم بالدعاء 

الحداث الي فوق اهم ما صار في الايام الي عشتها
باقي الحادي عشر والثاني عشر والثالث عشر
فقط كنا نروح نرجم الجمرات الثلاث ونرجع
احس لما ارجم الشيطان اني شيء عظيم ,, ومن قدي 
وقول الله اكبر من كل قلبي ,, صج الحج متعه بعد الاجر والثواب

ونسيت اقول لكم طق علينا مطر ثاني وثالث العيد  

ثاني العيد كان قليل مع هواء
اما الي جانا في اليوم الثالث ,, شي فضيع قوي مع هوا وبروق ورعود
شي شي << عباره تقال عند الشعور بالفرح هع 
لانه نزل بردي (برد) ,, وضحكني مصري يوم شافني اكله
قالي [ ده بيتوكل ] هههههههههههه 

صورت فيديوين

الاول ابيكم تركزون على اول المقطع في واحد عنده مظله
ترى ما صته الا بعد ما شفت التصوير ,, بين قوسين مو قصدي هع


والثاني دخلت داخل عند البوفيه وقعت اصور ركزو ع الهوا شلون
وطبعا كل عاده الملاقيف في كل مكان ,, غصب اصوره
والناس تدعي ,, فيديو حلو الصراحه ,, بعدين طفيته
قلت نصيبي من الدعاء لازم اخذه ^_^




في اليوم الخير الي هو الثالث عشر ,, رحنا بعد الرجم الى الحرم
لطواف الوداع ,, وكان ×10 من الناس الي كانوا في العمره اول الرحله
وصورت صوره وانا اطوف في السطح ,, طبعا السطح مضاعف عن الصحن
بمقدار كل طواف بي واحد كيلو متر تقريبا ,, اجمالي الطواف 8 كيلومتر
ومرت بحمد الله وشكر له ^^


وبتوفيق من الله خلصنا وتجهنا الى الباصات


رجعنا الى مطار جده الدولي ,, والمصيبه 
رحلتنا الساعه 2:30 ,, واحنا وصلنا 1:40 تقريبا
الوقت قليل والمطار زحمه ,, والله ما اقول الا بتوفيق من الله
سهل لنا امرنا وقطعنا البوردنق وحطينا عفشنا ورحنا الطياره

للمعلوميه سمعت انه 90% من الطائرات تاخرت عن مواعيدها
الحمد الله احنا من 10% ,, اشكر يا الله على ما حدث

ورجعنا الى اهلنا سالمين غانمين
وطبعا انا العجوبه في الموضوع ,, الكل متعجب اني مقرع
طول عمري ما سويتها الا هذي المره ,, فا الي يضحك ولي يمدح
شعور رائع لا انكر ,, لاني تغلبت على هواجيسي وقلقي ^_^

//

رحلت الحج ,, شيء خيالي لا يوصف مده قليله واحداث كثيره
سمعت قبل ذهابي الى الحج بانه ادمان .,.!
وعندما ذهبت ,, عزمت الرحيل في السنه القادمه باذن الله وتوفيقه
وايقن المقوله وحتما انه ادمان

ايه ,, ترى قبل لا ارسل التدوينه ذكرت شي مهم
لقيت فيديو خرافي وعجبني حيل وقلت لازم ولازم اوريكم ايه 
تصوير المناسك بطريقه التايم لابز


 اذا كانت الاهات مع موسيقى السموحه ,, معنها عجبتني 

وفي الختام ,, اطلب منكم السموحه ع اي شيء
وكذلك على اطالتي في رحلتي المشوقه
واتمنى انكم تشوقتم معي

طابت اوقاتكم بالخير
واتمنى من قلبي ان تحجون السنه المقبله *_^

 دمتم بخير 

  • e7sαs ●я يقول...

    هههههههـَ أمـَأ متعقـِد مـِن الصلعـَه . .
    والله اشـَوفْ الصلعـِأتْ أجيـَد منِ الشعـَر الطويـَل <- سسـِريُ :P

    صوـرةُ الحجـَأجْ وهمـَأ نآيمينُ . .
    لفتـَ نظريُ النظـَآرهُ المريمـَه فوقِ الرآسِ الرجـَأل :P
    أشـَك انهـَأ اتكسرٌ وأندعستُ لمنٌ قآموَ ؛×
    منـَاديـلُ سيتيُ مرهٌ مـَأ أحوبهـَأ <- برـاـَأ بسُ ؛/

    حـِجْ مقبـَـوـلْ يـَآربْ <- صحُ هيكُ يقوـلوْ خَخَ
    والحمدِ لله عَ السـَلـآمهُ ~
    عجبنـَيُ الفيدـِيوُ الأخيـِر مرـرهُ جيييـَد ؛)

    وكلُ عـأمْ وإنتُ بخيـَر]~

  • Awoosha يقول...

    السلام عليكم ^_^
    حج مبرور وذنب مغفور إن شاء الله

    ما شاء الله
    كاتب الاحداث بالتفصيل

    وفعلاً تجربة الحج لا تنسى أبداً
    أنا الوالدة راحت الحج وكل يوم من رجعت تقول شنو سو هناك ^_^

    وإن شاء الله تروحها السنة الياية =)
    يعطيك العافية عالتدوينة~

  • д7ℓάм يقول...

    وعليكم السلام ورحمه الله وبركاته


    حج مقبول وسعي مشكور وعمل متقبل مبرور بأذن الله ^_^

    ماشاءالله عليك
    اهم شي صورت رحلتك
    انا نسيت << فاهيه خخخ
    ماذكرت الا وانا بغادر مكه يله شي احسن من لاشي << بس يافرحه ماتمت خرب الهارديسك وطارت الصور >_<


    << قصه حياتها خخخ

    من جد رمي الجمرات شي ممتع سبحان الله !!
    ايه والله الحج ادماان :(
    ودي اعيد التجربه
    بس مو الحين ان شاءالله

    يعطيك العافيه ع اللقطات والتصوير
    مسموح وبالعكس انبسطت في هالبوست

    وان شاءالله تحج بيت الله كل سنه وكل عام :p

  • » ضيـۈنــہ‘ يقول...

    حجٍ مبرورً و سعيٍ مشكورً
    وَ الله يتقبل منكٍ يَ ربٍ (F) (F)

    ::

    عيشتنـآ رحلهٍ الحجـآجٍ كلهـآ ق1 ق1
    الله يعطيك العآفيهٍ ~

    كـلً الوَدٍ لـك اخويً [ دحوـمٍ ] :D

  • آلاء يقول...

    ماشاء الله حج مبرور وسعي مشكور
    والله يتقبل منك

    صراحه شوقتنا للحج ايام رائعه حقا
    وتقرير شيق بكل ماتحمله المعاني

    الاهم هو ان تيسر لكم الحج وعقبالنا ان شاء الله =)

    بالتوفيق دوما

  • عنَــآد ‘ يقول...

    خخخخخخخخخخخخخخخخخخ ‘ . .
    تقبّـل الله منّـا ومنكم . .
    أهمّ شي ( نفرنا إلى مزدلفة ) حسّستني بجد إنك قآري كتاب خطوات الحجّ المبرور هع هع هع ‘ ..
    حج مبرور وسعي مشكور وذنب مغفور . .

    إلى الأمام ‘

    3nad.99

  • ~أم حرّوبي~ يقول...

    حج مبرووور
    ياااااااااااااه الحج ..الله يكتبلنا إن شالله
    هههه عجبتني سالفة ما تشوف القرعه الا بعد ساعتين خخخخ
    وحليله راعي المظلة ..بس ونااااااسه المطر والبرد مشتاقه حق هالاجواء ^^
    هم شي رجمت الشيطان :)

    يعطيك العافيه ^^

  • azhar يقول...

    ماشالله عليييك
    الحمدلله عالسلامه
    والله يتقبل منك
    صحيح دخلتي يمكن متاخر بس والله ضغط دراسه فعذرني

    بصراحه استمتعت بالتدوينه هذي
    ويالله ماتوقعت انه برد ياااي شكل الجو كان يجنن

    المقطع الاخير ابداااااااااااااااااااااع
    بجد اول مره اشوفه

    مره عجبني

    ووو كل سنه وانت طيب يالغلا مع انها متاخره بعد

  • Abd-alrhman يقول...

    e7sαs ●я:
    دوم الضحك ,, هو مو متعقد
    السالفه انها اول مره بعد اول ما انولدت ^_^
    ليه ,, امممممم تقريبا صح كلامك ,, بس مو الكل ينطبق عليه
    وانا ابد ما ينطبق علي هع

    ههههههههههههههههه ,, لا ابشرك ذكرته وشالها هو ناسيها اصلا
    ما شاء الله عليج ^_^
    ايه الكلنكس ,, يجيب الهم امسح في ثوبي ابرك << اوت

    اللهم امين يارب ,, يب صح
    وفي تكمله وذنب مغفور
    الله يسلمك وخليج لي اهلج

    شكرا من ذوقك ويسعدني اعجابك

    وانتي بخير يارب ,, شرح قلبي تواجدك وتعليقك
    شكرا لك *_^

  • Abd-alrhman يقول...

    Awoosha:
    وعليكم السلام ورحمه الله وبركاته
    اللهم امين يارب ^_^ ,, جزاج الله خير

    يب لاني كنت اكتبها بالنوتا
    وللعلم في احداث ما كتبتها
    لاني ماحب اطول في الكلام ^_^

    ايه والله ,, متى يجي ذو الحجه << هو انت فيه احين هع
    وصدقيني يمكن اشياء تنساها الوالده من كثرها ,, والله يتقبل منها يارب
    والله يقويها وخليها لكم ,, ويا ابوكم ^_^

    ان شاء الله ,, وانتي ويانا مع الحجيج يارب
    الله يعافيج وخليج يارب لعيون ترجيج *_^

    مشكوره والله ع التعليق ,, اثلجتي صدري وريحتيني
    جزيتي خيرا

  • Abd-alrhman يقول...

    д7ℓάм:
    باذن الله ,, الله يسمع منك ^_^

    ايه الصور ,, لا ترى سريع سريع
    ونسيت احط صور الجبال وهي متسبحه بالمطر
    شكلها خرافي بس الكام فاشل فا مش زي الطبيعه
    اوبس ,, مشكله الهارد دسك ,, عشان كذا شتتي امورك في كل مكان
    انا بعد اخترب قبل فتره >_< ,, بصيح ,, معني مذكر وش فيه ههههههه

    << هم قصه حياه
    عشان ما تنحرجين *_^

    ايه والله
    ان شاء الله تعيدنها وطقين 10 ولا 20 حجه
    ومع زوجك وعيالك ^_^

    الله يعافيك وخليج لعيون ترجيك
    اشكرك ع السماح ,, ودوم الامبساط ,, وشكرا اسعتيني بالكلام كله

    امييييييييييييييييين يارب ,, جزاك الله خير

  • Abd-alrhman يقول...

    » ضيـۈنــہ‘:
    اللهم امين يارب
    جزاج الله الف خير

    اهم شي انبسطتي فيها ^_^
    الله يعافيك يارب وخليج لي اهلك

    مشكوره ماقصرتي يا الغاليه
    اسعتيني والله بتوادك ,, مانحرم يارب

  • Abd-alrhman يقول...

    نهــــــــــار:
    وعليكم السلام ورحمه الله وبكراته
    امين يارب ,, والله يسمع منج _^
    جزاج الله الف خير
    وان شاء الله الله يكتب لج حجه السنه الجايه ولي بعدها
    وكل السنين ,, وتحجج عيالج *_^

    اسعدني تواجدكي كثيرا ,, اشكرج

  • Abd-alrhman يقول...

    زٍحَ’ـمةَ حَ’ـڪيّ..||≈:
    اميييييييين يارب ,, الله يسمع منج
    جزاج الله خير يارب ^_^

    حتما شيء مشوق كثيرا ولا الومك ع ذالك
    لانه بيت الله ونحن ضيوفه ,, ومن يمل من ذالك
    ويسعدني اعجابك بالتقرير البسيط ,, اشكرج

    الحمد الله ,, بفضل ربي ,, واتمنى ذالك

    اسعدني كثيرا تواجدك
    وعسى ربي ما يحرمني منك
    وخليج لي اهلج^_^

  • Abd-alrhman يقول...

    رورو الشخبوطة:
    اللهم امين ,, ويارب تحجين السنه اليايه وتكون حجه مقبوله ميسره

    مشكوره ع التواجد والتعليق ,, جزيتي خيرا كثير

  • Abd-alrhman يقول...

    عنَــآد ‘:
    دووووووووووووم يارب نهي يوم الضحك
    اللهم امين ^_^
    ههههههههههههههه خليتي كل شي وركزتي عليها هع
    لا لاني اسمعها من الشيخ وكذا فا حبيت اضيفها في قاموسي *_^
    اميييييييييييين يراب العااااااااالمين

    شكرا لكي ,, حافز لي وشي عضيم
    جزاج الله خير ,, وربي يوفقك في دينك ودنياك
    وتكون الجنه مثواك

  • Abd-alrhman يقول...

    ~أم حرّوبي~:
    اهلين امي شخبارج ^_^
    امين يارب

    ان شاء الله السنه اليايه تروحين وتتيسر لج
    الصراحه مابي اصعق وشوف قبل وبعد ,, وصبرت ساعتين هههههه
    اما المظله ,, فطست ضحك ,, مدري وش لون جات ,, ورجع يضحك هع

    ايه رجمته رجم مبرح ههههههههههه
    ذكرتيني اتوقع شفت نعال (وتي بكارمه) تنحذف
    بس ممن بعيد شي كبير هههههههههههههه

    الله يعافيج وخليج يارب للي يغليج
    ومشكوره التواجد ,, وقسما اسعت فيه
    جزيتي خيرا كثير

  • Abd-alrhman يقول...

    azhar:
    الله يسلمك وعافيك
    امييييييييين يارب ,, ومنا ومنك صالح الاعمال
    لا معذوره وخذي راحتك اي وقت
    محد مجبور ,, وكلنا لاهيين بالدنيا ,, الله يعينا

    دوم يارب تستمتعين ان شاء الله
    بس يجنن ,, الا خرافي ,, رحت وتسبحت فيه
    قلت من ويللي مره ثانيه ههههههههههههههه

    يسعدني ذالك ,, ويسعدي كثيرا ^_^ (والله ستانس)

    وانتي طيب يارب ,, يارب اني قلت عادي ,, ترى هذي الدنيا
    وا تصفى ع شي >_<

    ومشكوره ع التواجد ,, شرحتي صدري والله ^_^
    ما انحرم

أرشيف المدونة

 

جميع الحقوق محفوظة لـ D7om-N